Mazali foyda
RAG‘BATLANTIRUVCHI AKSIYANI O‘TKAZISH QOIDALARI
Mazali foyda!
(bundan keyin – Qoidalar)
“Mazali foyda!” nomi ostida o‘tkaziladigan rag‘batlantiruvchi tadbir (33 000 so‘mga ikkita blinchik+ichimlik - 30% gacha foyda) (bundan keyin – "Aksiya") "Safia café&bakery" savdo belgilari ostidagi mahsulotlarga qiziqishni shakllantirish va uni saqlab qolish, shuningdek, O‘zbekiston bozorida ularning sotuvini rag‘batlantirish maqsadida o‘tkaziladi.
Aksiyada ishtirok etish orqali Aksiya ishtirokchilari Qoidalarni to‘liq qabul qiladilar va ularga rozilik bildiradilar.
Aksiya tavakkalchilikka asoslangan o‘yin hisoblanmaydi.
Aksiyada ishtirok etish majburiy emas.
ATAMALAR VA TA’RIFLAR
Aksiya - "Mazali foyda!" rag‘batlantiruvchi tadbir.
Aksiya tashkilotchisi: "SAFIA BAKERY SWEET" MChJ, O‘zbekiston.
Filiallar (Filial) - Safia café&bakery qandolatchilik tarmog‘ining O‘zbekiston Respublikasi hududidagi filiallari.
Mahsulot - Filiallarda sotiladigan, Taklif tarkibiga kiradigan mahsulotlar.
Mahsulotlar ro‘yxati Qoidalarning 1.3-bandida keltirilgan.
Taklif - Aksiya davomida filiallarda amalga oshiriladigan "Mazali foyda!" taklifi (33 000 so‘mga ikkita blinchik+ichimlik - 30% gacha foyda). Ushbu taklifni xarid qilganda, uni sotib olishda Aksiya ishtirokchisi shartlarning 1.3-bandida ko‘rsatilgan foyda (30%) oladi..
Aksiya ishtirokchisi - Safia café&bakery mobil ilovasida ro‘yxatdan o‘tgan, Qoidalarning 2.1-bandida ko‘rsatilgan Aksiya shartlarini bajargan Safia café&bakery filiali tashrif buyuruvchisi.
Mobil ilova (sodiqlik dasturi/jamg‘arma tizimi) - Apple Store yoki Google Play orqali bepul yuklab olish mumkin bo‘lgan "Safia café&bakery" mobil ilovasi.
Aksiyada ishtirok etish shartnomasi - Aksiya tashkilotchisi va Aksiya ishtirokchisining Aksiyani o‘tkazish doirasidagi o‘zaro majburiyatlari to‘g‘risidagi kelishuv. Bu kelishuv Aksiya ishtirokchisi uchun bepul bo‘lib, Qoidalarning 2-bo‘limida belgilangan tartibda Qoidalar matnidagi shartlarga Aksiya ishtirokchisining qo‘shilishi orqali tuziladi.
Aksiya sayti (Sayt) - https://safiabakery.uz.
1.Aksiya tavsifi
1.1. Aksiyani o‘tkazish muddati: 01.07.2025-yildan 31.07.2025-yilgacha.
1.2. Aksiya o‘tkaziladigan hudud: Safia café&bakery kompaniyasining O‘zbekistondagi filiallari
1.3. Aksiyada ishtirok etuvchi mahsulotla
AMERIKANO AYS TVOROGLI blinchik
KAPUCHINO AYS GO‘SHTLI blinchik
LATTE AYS
KLASSIK FRAPPE
KARAMELLI FRAPPE
SHOKOLADLI FRAPE
1.4. Taklif: Safia café&bakery filiallarida sodiqlik dasturida (mobil ilovada) ro‘yxatdan o‘tgan foydalanuvchilar uchun "Mazali foyda!" aksiyasi amal qiladi (33 000 so‘mga ikkita blinchik+ichimlik - 30% gacha foyda)
1.5. Agar filialda Mahsulot tugagan bo‘lsa, u holda ushbu filialda Aksiya bunday Mahsulot filialda tugagan paytdan boshlab muddatidan oldin tugallangan hisoblanadi.
1.6. Aksiya tashkilotchisi Qoidalarga o‘zgartirishlar kiritish huquqini o‘zida saqlab qoladi va bunday o‘zgartirishlarni Saytda albatta e’lon qiladi. O‘zgartirishlar, agar boshqacha ko‘rsatilmagan bo‘lsa, Saytda e’lon qilingan paytdan boshlab kuchga kiradi.
2. Aksiyada ishtirok etish shartlari va tartibi
2.1. Aksiyada ishtirok etish uchun Aksiya o‘tkazilayotgan davrda Safia café&bakery qandolatchilik tarmog‘i filialida Taklifni xarid qilish, Safia café&bakery jamg‘arma tizimining (mobil ilovasining) QR kodini skanerlash lozim. Agar mobil ilova bo‘lmasa, ishtirokchi ilovani yuklab olishi, ro‘yxatdan o‘tishi va QR kodni skanerlashi kerak.
2.2. Aksiyaning asosiy shartlari: 1.3-bandda ko‘rsatilgan ikkita blinchik va ichimlik xarid qilinganda to‘lovning umumiy summasi 33 000 so‘mni tashkil etadi.
2.3. Aksiyada ishtirok etishning boshqa shartlari:
2.3.1. Aksiya ishtirokchisining Aksiyada qatnashayotgan Mahsulotni almashtirish yoki o‘zgartirish to‘g‘risidagi iltimoslari qabul qilinmaydi.
2.3.2. Aksiya ishtirokchisiga berilgan Mahsulotni boshqasiga almashtirish yoki tarkibini o‘zgartirish mumkin emas.
2.3.3. Mahsulotga qo‘shimcha tarkibiy qismlar qo‘shish ko‘zda tutilmagan.
2.3.4. Aksiya tashkilotchisining Aksiyaga oid barcha qarorlari qat’iy hisoblanadi va u bu borada hech qanday yozishmalar olib bormaydi.
2.3.5. Ushbu Aksiya tashkilotchining boshqa aksiyalari bilan birlashtirilmaydi. Foydalanuvchi Aksiya Mahsulotini qaysi aksiya bo‘yicha xarid qilishni o‘zi mustaqil ravishda tanlashi mumkin.
3. Aksiya tashkilotchisi va Aksiya ishtirokchilarining huquq va majburiyatlari
3.1. Aksiya ishtirokchilarining majburiyatlari:
3.1.1. Qoidalarga rioya qilish;
3.1.2. O‘zbekiston Respublikasi qonunchiligi va Qoidalarda nazarda tutilgan boshqa majburiyatlarga rioya qilish.
3.2. Aksiya ishtirokchilarining huquqlari:
3.2.1. Aksiyani o‘tkazish muddati davomida Qoidalarga muvofiq Aksiyada ishtirok etish;
3.2.2. Qoidalarga muvofiq Aksiya haqida ma’lumot olish, shu jumladan buyurtmani amalga oshirishdan oldin muayyan filialda Taklif/Mahsulotlar mavjudligi haqida bilish;
3.2.3. Aksiyaning boshqa shartlariga rioya qilgan holda, Qoidalarda ko‘rsatilgan tartibda va maxsus narxda taklif olish;
3.3. Aksiya tashkilotchisi quyidagilarga majbur:
3.3.1. Qoidalar va O‘zbekiston Respublikasi qonunchiligida belgilangan tartibda Aksiyani o‘tkazish.
3.4. Aksiya tashkilotchisining huquqlari:
3.4.1. Aksiya tashkilotchisi Qoidalarni o‘zgartirish yoki Aksiyani bekor qilish huquqiga ega, bunda Aksiya ishtirokchilarini Qoidalarning o‘zgarishi yoki Aksiyaning bekor qilinishi to‘g‘risida xabardor qilish Saytning yangiliklar bo‘limida tegishli o‘zgarishlarni e’lon qilish orqali amalga oshiriladi.
3.4.2. Aksiyani o‘tkazishga to‘sqinlik qiladigan har qanday holat (shu jumladan, lekin bular bilan cheklanmagan holda: Internet tarmog‘idagi nosozliklar, viruslar bilan zararlanish, uchinchi shaxslarning Sayt ishiga ruxsatsiz aralashuvi yoki boshqalar) yuzaga kelganda, natijada Aksiyani davom ettirishning iloji bo‘lmasa, Tashkilotchi Aksiyani o‘tkazishni vaqtincha to‘xtatib turish yoki butunlay to‘xtatish huquqiga ega.
3.4.3. Aksiya tashkilotchisi o‘z ixtiyoriga ko‘ra, Aksiya ishtirokchilariga sabablarni tushuntirmasdan va ular bilan yozishmalar olib bormasdan, Aksiya ishtirokchilarining har qanday harakatlarini haqiqiy emas deb topishga, shuningdek, Aksiya tashkilotchisida unga nisbatan ma’lumotlarni soxtalashtirish yoki Aksiyada ishtirok etish uchun zarur bo‘lgan har qanday soxta ma’lumotlardan foyda olishda asosli shubhalar paydo bo‘lgan har qanday shaxsga Aksiyada keyingi ishtirokini taqiqlashga haqli.
3.4.4. Aksiya tashkilotchisi Aksiya ishtirokchilari bilan yozma muzokaralar olib bormaslik yoki boshqa aloqalar o‘rnatmaslik huquqini o‘zida saqlab qoladi, Qoidalar, O‘zbekiston Respublikasi qonunchiligi va nizoli vaziyatlar yuzaga kelgan hollar bundan mustasno.
3.4.5. Aksiya tashkilotchisi, zarur hollarda, Aksiya ishtirokchilaridan O‘zbekiston Respublikasining amaldagi qonunchiligiga muvofiq soliq organlariga taqdim etish uchun zarur bo‘lgan ma’lumotlarni talab qilish huquqiga ega.
3.5. Aksiyaga oid barcha bahsli masalalar O‘zbekiston Respublikasining amaldagi qonunchiligiga muvofiq tartibga solinadi.
3.6. Qoidalar Aksiyada ishtirok etishning yagona rasmiy qoidalari hisoblanadi. Ushbu Qoidalarni turlicha talqin qilishga imkon beradigan vaziyatlar va/yoki ushbu Qoidalar bilan tartibga solinmagan masalalar yuzaga kelgan taqdirda, bunday talqin va/yoki tushuntirish to‘g‘risidagi yakuniy qaror bevosita va faqat Aksiya tashkilotchisi tomonidan qabul qilinadi.
3.7. Taklif tarkibida ko‘rsatilgan mahsulotlar mavjud bo‘lmagan taqdirda, Aksiya tashkilotchisi ularni buyurtma rasmiylashtirilgan paytda filialda mavjud bo‘lgan mahsulotlarga almashtirish huquqiga ega.
